BE.239 Logu no.22
BINSAN RO ASI NI ROHA

Ayat 1
Binsan ro asi ni roha Ni Tuhanta i di ho
Alo ma dirim paboa Jora situtu do ho.

Ayat 2
Sai tundali nasa jea Sai tahopi Debata
Tanda na tutu porsea Ho di Tuhan Debata

Ayat 3
Ia dalan hangoluan Na gogot tutu do i
Unang ho marhamaluan Tagam nasa musumi

Ayat 4
Anggo dalan namagoan Na lambas tutu do i
Tung tu api do diboan Na disi dirina i.

Ayat 5
Sai papos roham mangalo Alo dosami gogo
Asa unang ho na talu Unang na sumurut ho

Ayat 6
Angkup ni sai martangiang Asa ganda gogomi
Jala sai tongtong ho sirang Sian angka musumi.

Ayat 7
Unang sai matamatahon Arta na di tano on
Jaga ma roham salahon Roha ni portibi on

Ayat 8
Hisapmi tongtong pompomi Sai patunduk dagingmi
Asa unang diintopi Dosa i palitomi

Ayat 9
Sai momosi ma luhutna Naung hinamonangkonmi
Unang loas be malua Ai mansai jorbut do i.

Ayat 10
Ia dung dapotan uli Ho sai unang tois roham
Ai ndang sahat dope muli Tondimi tu banuam.

Ayat 11
Sasude na burju roha Mangihuthon Jesus i
Sai dialo do musuna Paima tos hosana i

Ayat 12
Dirimu do musumuna Dohot dipangago i
Ia hangoluanmuna I ma Tuhan Jesus i.
